Berig: Johan Dreyer

Atlete van Ladybrand Primêre en Vaardigheidskool het hul skitterend van hul taak gekwyt tydens die atletiekbyeenkoms van die Ladybrand Primêre Skole wat op Saterdag 28 Januarie plaasgevind het.

Twee atlete van ons skool het rekords verbeter:

Merian Knot                       Dogters o/12      Gewigstoot        9,56m (Rekord was 9,15m)

Simeon Jacobs                  Seuns o/13         Hoogspring         1,51m (Rekord was 1,47m)

Baie geluk aan hierdie atlete met hul spog prestasies.

Die Maluti Atletiekbyeenkoms vind op Saterdag 11 Februarie hier by die skool plaas. Ons sien uit na hierdie byeenkoms. Een-en-veertig atlete van ons skool gaan aan hierdie byeenkoms deelneem. Sterkte, julle!!

Atletiek uit die boonste rakke by Ladybrand Primêre skool

Chrizelle Olivier

Die byeenskoms is gehou op 20 Januarie 2017, op die atletiekveld van die laerskool. Met ‘n gedruis van sangstemme en groot opwinding is die dag afgeskop met verskeie baan- en velditems.

Die “Indian Yellows, “Blue Trolls” en “Red Angry birds” het met geesdrif hul spanne aangepor om te hardloop. Die “Angry birds” het met ‘n getjirp van voël stemme weggestap met die Spangeesbeker en die “Blue Trolls” het trots weggestap met die Atletiekbeker. Baie geluk aan al die spanne. Ons is trots op julle.

Geelspan – Indian Yellows

Rooispan – Angry Birds

Blouspan – Blue Trolls

LSOB Vrystaat Landloop Kampioenskappe

Berig- ERNST DE RU

Vier atlete het op 17 September aan die LSOB Vrystaat Landloop Kampioenskappe te Riebeeckstad deelgeneem.

Tlotliso Moeshoeshoe het ‘n silwer medalje los gehardloop en is saam met Isaac Maraisane en Mokheti Plaatjie opgeneem in die LSOB Vrystaat span wat vanaf  30 September tot 1 Oktober aan die Suid-Afrikaanse Kampioenskappe te Witrivier gaan deelneem.

Die skool en personeel is baie trots op hierdie atlete en wens hulle alle sterkte toe met die byeenkoms.

Mokheti Plaatjie, Tlotliso Moeshoeshoe, Isaac Maraisane